Судебной приставонь службась тешксты васенце юбилей
8 ноября 2007 17:34. Разместил: admin
Ноябрянь котоце чистэ судебной приставонь службантень топодить кемень иеть. Теде РИА «Инфо-РМ-нь» пачтясть Республика Мордовиянь судебной приставонь службань федеральной Управлениянь пресс-службасто. Службань важодемань ушодовомань чикс ловови 1997 иень ноябрянь 6-це чись, знярдо тевс нолдавсть "О судебных приставах" ды "Об исполнительном производстве" кавто федеральной законтнэ.
Пресс-службасо тешкстызь, што приставонь полномочиятне иеде иес яла келейгадыть. Ней сынь кундсить должниктнесэ ды судонь эйстэ кекшницятнесэ кудова, автотрассава ды таможенной пунктка. Алиментэнь ды бытовой техникань а пандыцятнень туртов истят методтнэ практикас ютавтовить уш иень перть.
Торжественной промксось, алтавозь судебной приставонь Федеральной службань 10 иень кенярксчинтень, Республика Мордовиянь судебной приставонь службань федеральной Управлениясо ютавтови ноябрянь 8-це чистэ.