Республика Мордовиянь Прявтось Николай Меркушкин овторникстэ вастовсь минек республикань здравоохранениянь учреждениянь руководительтнень марто. Теде РИА «Инфо-РМ-нь» пачтясть Прявтонь администрациянь пресс-службасто. Вастомасонть максозель домка анализ «Здоровье» национальной проектэнть тевс нолдамонть. Промксонь участниктне кортызь населениянь обслуживаниянь медицинской тувталтнэнь ды Мордовиянь здравоохранениянь икелепелень тевтнень.

Мордовиянь Прявтось истяжо вастневсь оштнэнь ды велетнень школань директортнэнь марто ды вейсэ кортызь «Образование» национальной проектэнть тевс нолдамонть, образованиянь системань модернизациянь икелепелень тевтнень, педагогтнень зарплатань пандомань системань полавтоманть, учащейтнень содамочист домкалгавтоманть ды лията кевкстематнень.

Районной администрациянь прявтнэнь марто Николай Меркушкин кортынзе велень хозяйстватнень иень итогост ды ракшатнень телень ютавтомань тевтнень. Истяжо кепедезель велень хозяйствань роботниктнень кенярксчинь мероприятиянь ютавтомась.