Народной вейсэнь кенярксчиде икеле, ноябрянь 3-це чистэ, Николай Меркушкин якась Республика Мордовиянь Сыре Шайговань районов. Теде РИА «Инфо-РМ-нь» пачтясть минек республикань правительствань пресс-службасто.

Од Акшино велесэ Мордовиянь Прявтось ульнесь инжекс Турковтнень ламо эйкакшонь семиясо, косо касыть вейксэ эйдеть. Турковтне- «Развитие АПК» национальной проектэнь участникть. Николай Меркушкин семиянтень казсь «ВАЗ-2107» од автомобиль ды телевизор марто холодильник.

Сыре Шайгова велесэ те чистэнть панжсть Казанской Божей Матерень церькува, кона карми мазылгавтомо веленть. Панжомань мероприятиясонть истяжо ульнесь Саранской ды Мордовской Владыкась Варсонофий.

Кода евтнесть пресс-службасо, седе тов Мордовиянь Прявтось ванызе, кода роботы населениянь социальной обслуживаниянь комплексной центрась. Тесэ ютась населениянь социальной мелень максомань од электронной системань минивидеопрезентация. Николай Меркушкин кортнесь центрань трявкстнэнь марто ды макснесь тенст казнеть.

Мейле минек республикань Прявтось ульнесь Сыре Шайговань центральной районной больницясо, косо вастовсь медперсоналонть ды пациентнэнь марто. Сыре Шайговань ЦРБ-сь минек республикасо ловови сехе вадря районной больницякс. Медицинской учреждениясонть теезь современной ремонт, паро технической оснащения, важоди пек профессиональной коллектив.

Седе тов Николай Меркушкин якась "Агрофирма "Новотроицкая" ООО-в. Предприятиянь од комплексэнть сон кортнесь важодицятнень марто. Республикань Прявтось ванынзе предприятиянь современной кудотнень ды социальной инфраструктурань объектнэнь.

Меельцекс Прявтось ульнесь Мельцаны велесэ Алексей Пантюшинэнь фермерской хозяйствасо. Фермерэнть кудосо кортамось мольсь хозяйствать икелепелень тевтнеде.