Шожда атлетикань коряс олимпийской сборноень пурнамонь штабонь заседаниясо, кона ютась исяк Московсо, 2008 иень олимпиадантень скороходтнэнь анокстамо кармить Мордовиянь столицасо. Теде РИА «Инфо-РМ-нь» пачтясь спортивной якамонь коряс Россиянь сборной командань старшей тренерэсь Виктор Чегин.

Россиянь минспортось примась истямо решения секс, што шожда атлетнэнь анокстамс Мордовиянь столицась ловови сехте паро таркакс. Виктор Чегин кеми, што спортивной якамонь коряс Гран-принь финалонть мельга, кона ютась Саранск ошсо сентябрянь 29-це чистэ, Республика Мордовиянь столицанть авторитетэсэ пек кайсь.

Щожда атлетикань коряс Россиянь сборноентень совить Мордовиянь ламо спортсмент. Вейксэ ходоктнестэ, конат кармить пелькстамо Пекинсэ Россиянть пельде, кототне- мордовской ЦОПонь трявкст.

Кода пачтясь Виктор Чегин, участниктнень евтасызь кавто пелькстамонь кочкамодо мельга. Те мирэнь Кубокось, кона ютавтови маень 11-це чистэ Чебоксарсо ды Россиянь чемпионатось, кона ютавтови июнень 8-це чистэ Саранск ошсо.