Россиясо октябрянь 30-це чистэ тешкстави политической репрессиянь жертвань лецтямонь чи. Те чинть кармасть тешкстамо 1991 иестэ октябрянь 18-це чистэ саезь РСФСР-нь Верховной Советэнь постановлениянзо коряс. Российской Федерациясо политической репрессият ютасть 800 тыщадо ламо ломанть.

Мордовия столицань школатнесэ эрьва ие ютавтневить историянь урокт, козонь тердтнить зыянов шкатнень свидетельть. 31-це № саранской общеобразовательной школасо истямо урокс тердекшнызь школань музеень руководителенть Юрий Каляминэнь. 1937 иестэ леднизь сонзэ дядянзо, деданзо ды прадеданзо. Неть ломантнеде се шкатнестэ мерильть «народонь врагт» эли преступникт, конатне арсить нельгемс государственной собственностенть.

Россиясо политической репрессиянь жертвань реабилитациядо законось тевс нолдавсь 1991 иестэ. Се шкастонть саезь ламот ломантненень мекев максызь паро лемест. Юрий Калямин муинзе раськень ломанензэ калмост. Весе документнэ невтить братской калмотнень лангс, конатнень муизь «Поиск» отрядонь боецтнэ Богоявленской лисьма прядо аволь васоло. Мордовиясо сынь лововить сехте покш калмамо таркакс. Аволь умок те таркантень путсть сталинской терроронь ломантнень лецтнемга мемориальной плита.