Республика Мордовиянь судебной приставось всероссийской спартакиадасо, кона алтазель ведомствань 10 иетнес, сайсь «сия» ды «бронза». Кода пачтясть РИА «Инфо-РМ-нь» корреспондентэнть туртов Мордовиясо ССП-нь управлениянь пресс-службасто, призерокс кармась улеме Дмитрий Титков.

«Комплексной единоборствань пелькстамосо 90 килограммат сталмосо Дмитрий Титков саизе спартакиадань сырнень медаленть. А пиксэнь усксемань пелькстамосо сон лись колмоце таркас»,- евтнесть пресс-службасо.

Дмитрий Титков важоди судебной приставокс Рузаевской районсо. Сон свал эрси весе пелькстамотнесэ, конатнесэ ютавтни аволь ансяк Мордовиянь УФССП-сь, но республикань томбалеяк.