Саранскойсэ теить ламо этажс кудотнестэ шукшпрянь усксемань графикт. Кода пачтясть РИА «Инфо-РМ-нь» корреспондентэнть туртов Саранск ошонь округонь администрациянь пресс-службасто, те кевкстеманть кепедизе Владимир Сушков мэрэсь. Сон тешкстызе, што минек ошсо течеме чис ламо этажс кудотнестэ арасть шукшпрянь усксемань графикт.

Секскак, сеетьстэ эрси истя, што кудонь эрицятне лоткавтнесызь эсест автомобилест лоткавтома таркатнес ды спецтехникась а ютави шукш пря марто контейнертнэнь ваксос.

«Эрьва кудонть ваксос эрявить понгавтнемс ТБО-нь усксемань графикт, штобу эрицятне аволизь кадно транспортост ды авольть пиря кинть коммунальной службань роботантень. Бути жо автомобильтне лоткавтневить аволь тарказост ды а шкастост, эряви тердемс эвакуатор»,- мерсь градоначальникесь.