Республика Мордовиянь столицасо пецясто ютась торжественной промкс, алтавозь машиностроителень профессиональной кенярксчинтень.  Лембе поздоровонзо евтынзе пуромозтненень республикань Прявтось Николай Меркушкин. Сон тешкстызе минек республикань машиностроениянть эрявикс покш тевензэ.

Мероприятиясонть тешкстазель, што промышленной производствань объемтне кайсть кавксть ды пель разт, минек республикась ютавты 44 инвестиционной проект, эрьва ковсто Мордовиянь предприятиятне нолдыть продукция 2,5 млрд. целковойс. Республикань предприятиятне тевс нолдавить эрьва ендо: моли оборудованиянь модернизация, мукшновить продукциянь миемань од рынокт, нолдавить од технологият, кепедеви заработной питнесь. Республика Мордовиясо неень шкане важодить 40 тыщадо ламо ломанть.

Торжественной промксонть ламот важодицятнень туртов ды отраслянь эрьва ветеранонтень макснесть казнеть. Отраслянь сехте паро представительтне получасть почетной лемть, грамотат ды сюкпрят.