Мордовиянь столицасо пецясто ютась торжественной промкс, алтавозь Н.П. Огарев лемсэ Мордовской государственной университетэнь  велень хозяйствань факультетсэ "Механизация сельского хозяйства" специальностень панжома шкастонзо 50 иетненень. Лембе поздоров марто валонзо евтынзе выпускникесь ды велень хозяйствань механизациянь ды электрификациянь факультетэнь улезь деканокс, а ней минек республикань Правительствань председателень полавтыцясь Валентин Конаков.

Минек республикасо инженерной кадрат кармакшность эрявомо сестэ, знярдо велень хозяйствась кепететсь. 1957 иес инженер-механикть анокстасть Московонь ды Ленинградонь знярыя вузт. Институтонть важодеманзо перть тестэ листь 10 тыщадо ламо инженерт. Сонзэ выпускникензэ роботыть Россиянь Президентэнь Администрациясо, Мордовиянь районной администрациянь прявтокс ды эрьва кодамо руководителень таркасо.