Мордовиянь Прявтось Николай Меркушкин цетьверьгстэ российской Правительствань заседаниясо весе марто кортынзе федеральной целевой ды адресной инвестиционной программатнень. Теде РИА «Инфо-РМ-нь» пачтясть минек республикань Прявтонь Администрациянь пресс-службасто.

Седе тов Республика Мордовиянь Прявтось вастовсь Российской Федерациянь Правительствань Председателень васенце полавтыцянть Дмитрий Медведев марто. Кортамось ютксост мольсь "Здоровье" республиканской национальной проектэнь тевс нолдамодо ды здравоохранениянь икелепелень тевтнеде. Штобу седе паролгавтомс минек масторсо демографиянть, Мордовиясо арсить строямс  межрегиональной перинатальной покш центра.

Российской Федерациянь велень хозяйствань министранть Алексей Гордеев марто вастомсто Николай Меркушкин кортынзе аграрной национальной проектэнь коряс минек республикасо велень хозяйствань производителень финансированиянь лимитнэнь кепедематнень. Те тевесь парсте сюлмави Мордовиянь населениянть ды велень хозяйствань предприятиятнень национальной проектсэ активной улемаст марто.

Кода пачтясть пресс-службасто, теке жо чистэнть Мордовиянь Прявтось пачтясь наукань ды образованиянь министрантень Андрей Фурсенконень образованиянь модернизациянь комплексной проектэнть тевс нолдамодонзо, колмо иень грантонть минек республикась налксизе федеральной конкурсо. Кортамось истяжо мольсь Мордовиянь учительтнень заработной питнест касомадо, кона кеместэ сюлмави парсте важодеманть марто.

Государственной Думань Председателень полавтыцянть, «Единая Россия» партиянь генеральной Советэнь президиумонь секретаренть Вячеслав Володин марто Николай Меркушкин вейсэ кортызь Мордовиясо спортивной объектэнь строямонь партийной программанть ды Государственной Думас выборс анокстамонть.