Мордовияса сермадовсь личнай подсобнай хозяйстватнень 80%

Тячиень шис Мордовияса всероссийскяй велень хозяйствань переписть етафтомста сермадовсь личнай подсобнай хозяйстватнень 80%. Тянь квалма "Инфо-РМ" РИАти пачфтсть МР-ть эзга государственнай статистикань федеральнай службать территориальнай органца. Кода отмечазь Госкомстатса, сембода вишкста тефне мольфтевихть республикань Атюрьевскяй и Ельниковскяй райоттнень эса, коса тячиень шис сермадовсь сембе уликссь личнай подсобнай хозяйстватнень 94%. Дачань участкатнень серматкшнемасна аделавсь ни Мордовиянь Атяшевскяй, Зубово-Полянскяй, Кадошкинскяй, Краснослободскяй, Старошайговскяй, Чамзинскяй райоттнень эса. Велень хозяйствань оцю организациятне переписной листтнень пяшкотькшнесазь синць и макссазь 20 июльти. Тячити ламотне эздост максозь ни документтнень статистикань оргаттненди.