Коррупциять и оргпреступностть каршес тюремань кизефксне кепсевсть Николай Меркушкинонь и Александр Клоповонь рабочай васедемаснон пингста.

Шавшиста етась Мордовиянь Оцюнять Николай Меркушкинонь и Мордовиять эзга РФ ФСБ управлениять начальниконц Александр Клоповонь рабочай васедемасна. МР-нь Оцюнять пресс-службанц пачфтеманц коряс, васедемать пингста ванондовсть Мордовияса коррупциять и оргпреступностть каршес тюремань кизефксне. Тяда башка, Мордовиянь Оцюнять ширеса васедемаса ванондовсь республикать территорияса терроризмать каршес тюремань превентивнай мератнень виияфтомасна.