Мордовиять столицаса ламоц ляйхне-пруттне аф кондястихть эшеляманди

Мордовиять столицаса уликс сембе водоемтне аф кондястихть эшеляманди.Тянь квалма "Инфо-РМ" РИАти пачфтсь МР-ть эзга Роспотребнадзоронь санитарнай отделть начальниконц полафтыец Виктор Кобалов. Сонь валсонза, исследованиянь результаттнень коряс ведсь кальдяв качестванне идень парконь прудса и Луховкань водохранилищаса. "Сембода кальдявста тефне ащихть Мордовиянь столицань идень парконь прудть мархта. Тостонь ведьста муфоль сюлопотмонь лама бактерия и нитрат, мезсь азонды сянь колга, што пруду пачкотькшнихть сточнай веттне", - отмечазе Кобалов. Тевть сядонга гаснесы ся, што идень парконь прудса ведсь ащя фкя вастса, сон козонга аф шуди и эсь воля аруяфтоманцты эрявксни лама пинге. Тяниень пингоня тоса эшелямда аф мярьгондеви. "Тяфта жа аф пара ситуациясь Пролетарскяй райононь Вирень эрьхкса. Тяса ведень пробатне отвечайхть санитарнай норматненди, но лац-ряц апак тик эрьхкть перьфкя территориясь: аш вастт машинань путомс и медицинскяй пунктонди. Ня мероприятиятнень етафтоманкса отвечай райононь администрациясь, - азозе Виктор Кобалов. Старт" стадиононь водоемса ведть качествац отвечай тячи сембе санитарнай норматненди. "Тя водоемть пяшкодьсы сонцень скважинац, мезсь ламода цебярьготфнесы тевть аруяфтоманц мархта", - мярьгсь Кобалов. Вместе с тем, ни один водоем Саранска в этом году не получил официального разрешения на купание от эпидемиологов. Тяконь мархта, Саранскяень фкявок водоемса эшеляманди тядде эпидемиолокнень ширде официальнай мярьгома ашель.