Атям мархта пиземоньбачк кулось 17 кизоса стирсь

Шавшиста Саранскяйса атям мархта пиземоньбачк шавовсь стирь. Кода азондозь курокстонь лезксонь станцияса, 18 июльста 13.21 синь тердевсть ломанти, кона бта кулось пиземоньбачк ендолть эрьхтеманц эзда. Содавсь, што 17 кизоса стирсь кулось пиземть молемста эсь кудснон ваксса перняса улемстонза. "Курокстонь лезксонь" службаса няйфоль, што стирть теласа аш эсь лацонь тяшкст, конат лядондыхть ендолть эрьхтемда меле, сяс арьсекшневи, што што сон кулось лия туфталонь сюнеда. Ванондови и стамось, што стирть седиец лоткась шавомда токса эрьхтемать или кемоста эводемать эзда. Тяни зиянонь лисема вастса работайхть МВД сотрудникне и медикне.