Мордовияста "Геройхнень кигаст" 2006-Мялямонь вахтать мольфтиенза кеподсть модаста 94 солдатонь ляткс и калмазь синь. Кода азозе "Поиск" республиканскяй патриотическяй объединениять вятиец Николай Кручинкин, Мордовияста вешендихнень экспедициясна етась Калужскяй областень Сухиничскяй районца 6 июльста сявомок 17-ти. Экспедициясь етась 326, 328 и 97 стрелковай дивизиятнень боевой киснон ланга. Кручинкинонь валса, тя ульсь Сухиничскяй району 28-це молемась. Сембоц тя районца мордовскяй вешендихне мусть 1001 боецонь ляткс. Тя мезть экспедициянь участникокс ульсь 20-ть малава ломань. Нят Саранскяень, Ичалковскяй, Чамзинскяй, Ромодановскяй, Старошайговскяй и Ковылкинскяй райононь вешендиень отряттнень представительсна. Муф боецнень ловажань ляткссна калмафтольхть почетонь тиезь. Экспедициять пингста муфтольхть тяфта жа колма медальотт, конат парста ванфтовсть, и лем мархта куцю. Лангсост серматфне лувфтольхть, тяни синь муйснонды эряви содамс, лядсть ли синь азорснон раднясна. Мордовскяй вешендихне етафтсть васедемат ветераттнень и войнаса тюрематнень няиснон мархта, примасть участия илатнень эса, конат лемтьфтольхть Сухиничскяй районть врагть эзда шамдоманцты. "Мы также провели разведывательную работу на новых местах, где предположительно могут находиться останки бойцов, - рассказал Кручинкин. - Было обнаружено несколько мест, куда мы отправимся в начале августа". "Минь тяфта жа етафтоме разведывательнай работа од вастова, коса, афоли, вельхтяфт модаса боецонь ляткст, - азондсь Кручинкин. Муфоль мзярошка васта, коза минь мольхтяма августть ушетксста".