Мордовиянь вирьхнень эса стаки кирди пожарда пельксонь нилеце классь. Кода пачфтезь республикань вирень хозяйствань агентстваса, тячиень шити Мордовияса лисендсь 79 пожар. Агентстваса отмечазь, што мелять коряс пожархнень лувкссна кассь пцтай кафтонь-крда, но эрь крьвязькшнемать средняй площадец кирсь и тись тядде 07 га. 2005 кизоня сон ульсь 0,87 га. Крьвязькшнемань марстонь плащадсь кизонь кофнень ушетксснонды пачкодсь 80 га. Инь ламоль крьвязькшнемада апрельста-майста, кизонда ульсть аньцек кафта пожархт Большеберезниковскяй вирень хозяйстваса, но агентстваса отмечазь, што пожаронь од волнать кеподемац учсеви , кда кармай кирдема ушеса псись, августста-сентябрьста, мзярда паксятнень лангса ушеды серонь урядамась и шужярень анокламась.