Кода пачфтезь РФ-нь МЧС-ть Мордовскяй отделенияса,  Шишкеевань средняй школаста 11 классонь учениксь  кудонь пристройкаса петезе мотоцикланц. Обедта меле од ломанць ваймама еткть пухадсь. Лятф сигарета петь меле  ердазе мастору, коса пяяртьфоль  бензин и вай, сонць тусь кухняв. Мзярда сась меки, киякссь, стенатне и мотоциклась палсть ни. Кись лисемс толть потмоста перяфоль. Подросткась аф азовомшка эводсь, сувась комнатав и эцесь кровать алу. Лездома тейнза эряскодсть Виктор Гладышев и  Николай Травкин. Синь колазь вальмять и аралазь зиянц повфть толть  эзда. Шамаса, кргаса и мяштьса 1 и 2 степенень  пицефнень, пексонза сязентьф рана мархта  подросткась пачфтфтоль больницяв.