Тядде васенцеда историясонза  Саранскяйсь 12 июньцта эсь шачема шинц отмечазе официальнай статусса. Ошень Советонь депутаттне тянь коряс решениять примазь 2004 кизоня. Ранакиге шобдава саранскяень эряйхне казендсть кельгома столицаснонды казнет, инь главнайсь ульсь емла азоронзон эзда. Сембоц фкя частста  иттне тиезь Саранскяйть главнай площаденц поздравления мархта оцю открытка лаца. Фкя инь мяляфтови мероприятиякс тя  шиня ульсь «Саранск! Емла Родиназень эзда ушеткшни Россиясь!» театрализованнай представлениясь. Участникокс эсонза ульсть столицать 5 тежяньда лама эряенза. Етксост од ломанень общественнай организацият, спортивнай клупт и нльне одс рьвяяфт. Главнай площадьса  чествондазь  и  емла иттнень, кит шачсть Ошень шиня мелямба. Концертонь эсь программаснон няфтезь Саранскяень  танцевальнай инь цебярь коллектифне. Сембе пуромфненди поздравлениянь валхт азсь ошень Администрациять Оцюняц Владимир Сушков.