Январень 21 чистэ райононь сех мазый тейтертне листь Респуликань культурань кудонть сцена лангс. Кемсисемге ютксо журинень эрявсь муемс сех мазый ды превей. Мордовисо а весть ульнесь мазычинь конкурс, но истямо праздник арасель вестькак. Кода мерсь культурань министрась Петр Тултаев, конкурссо мазычись улнесь а васенце таркасо. «Минь бажинек те шоусонть невтемс эрямонть паро енксонзо, панжомс ломантнесэ сех паро ежемарямотнень»,- мерсь сон.
«Мордовиянь мазый тейтерь 2004» конкурссонть васенце этапсо участницатне невтизь эсест пряст, кие мезе машты теме: морамо, киштеме, стихень евтнеме. Седе мейле тейтертне лиссть сцена лангс спортивной одижасо, весе паро мельсэ вансть сынст мазый киштемаст лангс. Ансяк ялатеке сех мазыйкс ульнесть тейтертне мокшонь ды эрзянь палясо ды укшнумань одижасо, цератне цапазь вастнесть эрьванть.
Жюринть икеле аштесь стака арсема: сех партнэнь ютксто явомс сех мазыенть. Ве пеле эзть кадово ваныцятнеяк, сынест савсь евтамс сех мельстуицянть. Финалс лиссть 7 тейтерть. Вице миссэкс кармась улеме Екатерина Шаляпкина, а сех мазыйкс ульнесь ловозь Татьяна Скворцова Лямбирской районсто. Татьяна истя жо савсь седейга ваныцятненень ды ульнесь ловозь сех грациознойкс. Кода мерсь сех мазый Мордовиянь тейтересь, изнямос сонзэ ветизе покш бажамось улемс васенцекс.
